Nerabezaroa oso garai garrantzitsua da pertsona baten garapenean, aldaketa fisiko eta emozionalak ematen baitira. Jakin-mina garai horretako ezaugarri da, eta baita arriskuak hartzeko, norberaren burua deman jartzeko, mundua ezagutzeko edota esperientzia berriak bizitzeko premia ere…

Ausazko jokoetan jokatzea debekatuta dago adinez txikiko pertsonentzat. Haatik, ESTUDES inkestaren arabera (2018/2019), 14-18 urte bitarteko ikasleen % 25,5ak dirua erabiliz jokatu du noizbait. 2018an, % 7,4ak online eran nahiz presentziazko moduan jokatu du diruarekin azken urtean zehar, gehienak mutilak.
Online jokatzen hasteko adina 14,7 urtekoa da eta presentziazko jokoan hastekoa 14,6 urtekoa.

Zerk hurbiltzen ditu nerabeak ausazko jokoetara eta apustuetara?

• Jakin-mina
• Dirua irabaztea
• Taldearen presioa
• Norberaren burua deman jartzea
• Arriskuak hartzea
• Sentsazio berriak bilatzea
  
  

Familia, babes faktorea

Gurasoak funtsezkoak dira arriskutsutzat jotako portaerak garaiz prebenitzeari dagokionez. Ausazko jokoei eta apustuei dagokienez garrantzitsua izango da:

• Jokoarekin lotutako joeren aurrean agertzen duten jarrera eta haren aurreko beren portaera.
• Adin txikiko pertsonak ausazko jokoetan eta apustuetan aritzearen aurrean zero tolerantzia izatea.
• Familiaren babes faktoreak:
  - Familia-diziplina egokia eta portaera-arau argiak familia barnean.
  - Gaiarekin kezkatuta dauden gurasoak izatea.
  - Komunikazio positiboa.
  - Trebetasun pertsonal eta sozialen garapenean lan egitea: autoestimua, etsipenaren aurreko tolerantzia, gatazken ebazpena, taldeko presioaren aurreko erresistentzia, komunikazioa, asertibotasuna.
  - Interneterako eta bertako edukietarako irisgarritasuna zaintzea.
  - Jokoarekin (ausazko jokoak eta apustuak) lotutako joeraren ondoriozko arriskuei buruzko informazioa izatea.
  
  

Arrisku-faktoreak

• Jokoarekin izandako lehen harremanetan dirua irabaztea.
• Asperdurarako tolerantzia urria.
• Etsipenerako tolerantzia urria.
• Bulkadatsua izatea.
• Sentsazio aztoragarriak bilatzea.
• Arriskuaren antzeko emozioekin esperimentatzeko erakarpena.
• Dirua kontrolatzeko zailtasunak izatea.
• Familiako aurrekariak: arazoak ausazko jokoekin, alkoholarekin, beste droga batzuekin.
  
  

Adi gurasook sintoma hauek nabaritzen badituzue!!

1. Ikasketak alboratzea.
2. Gezurrak.
3. Lapurreta egin, dirua eskatu edota objektuak salerosteko aukera...
4. Harreman garrantzitsuak arriskuan jartzea.
   Lagunekin egoteari utz diezaioke.
5. Elkarrizketarako gaitasuna murriztea.
6. Suminkortasun, umore aldaketak, antsietatea.
7. Jokoarekin lotutako elementuak aurkitzea, esate baterako, apustuetarako fitxak.
8. Kirolarekin eta apustuekin zerikusia duen informazioarekin oso adin egotea, presentziazko moduan edo saretik.
   
   

Zer egin halako egoeraren aurrean?

• Saiatu nerabearekin hitz egiten. Ekidin epaiak, ez errurik bota eta ez deus aurpegiratu. Ikusten dena esan behar zaio. Garrantzitsua da balizko ihes egite baten aurrean behin eta berriz gainean egotea. Zenbat eta lehenago zehaztu haren jokabidea, orduan eta lehenago bilatu ahalko da laguntza.
• Jokoarekiko neurri gabeko joera dagoela sumatuz gero garrantzitsua izango da orientazioa eta laguntza bilatzea.

ERREHABILITAZIOAN DIREN ARABAKO JOKALARIEN ELKARTEA (ASAJER)
Helbide elektroniko honek spam bot-en kontrako babesa du. Ikusteko Javascript-a aktibatu behar duzu
Telf. 945 140 468
www.asajer.org

PDF: DESKARGA

REVISTA JOKUZ KANPO Nº41. 2020ko Abendua.

Informazioa, prebentzioa eta sentsibilizazioa

AURKIBIDEA

Aurkezpena

Artikuluak:
- Ausazko jokoak eta horiekin lotutako problematika.
- Ausazko jokoak:presentziazko jokotik online jokora.
- Emakumea eta ausazko jokoak.
- Nerabeak, gazteak eta ausazko jokoak.
- Buru-nahasmendua duten pertsonak eta ausazko jokoak.
- Familia eta joko patologikoa.

Interesatzen zaizu...
Kanpaina: “Sarean jokatzen dugunean….guztia azkarragoa da”.

Gomendioa:
- Gomendatutako materiala: “Desgaitasuna eta ausazko jokoekiko adikzioa. Estigma bikoitza”.
- Gomendatutako bideoa: “Apustu bat, bizitza bat. Apustuek... zure bizitza alda dezaketenean”.

Baliabideak Gasteizen

ZK.41 ALDIZKARIA DESKARGA

ZK.40 JOKUZ KANPO ALDIZKARIA. Abendua 2019.

ASAJER-EN 30 URTE

AURKIBIDEA

Aurkezpena: "ASAJER-en 30. Urteurrena". Ana Herrezuelo (ASAJEReko Psikologa).

Artikuluak:
- "Zer gertatu da 30 urte hauetan?”. Asajer 2019.
- "Begirada bat ausazko jokoen bilakaerari gizarte lanetik". Natalia Gallego Ugarte (ASAJER-eko Gizarte langilea).
- "17 urte ausazko jokoen eta apustuen bilakaera ezagutzen". Raquel Beltrán de Heredia (ASAJEReko Psikologa).

Interesatzen zaizu...: 
- "Ausazko jokoen eta horiekin lotutako arazoen bilakaera. Etorkizuneko erronkak".
- "Ausazko Jokorik Gabeko Eguna Urriak 29".
- "Adiktleszenteak: Hobe prebenitzea, apustua egitea baino” proiektua".

Gomendioa: Gomendatutako liburua.

ZK.40 ALDIZKARIA DESKARGA

Errehabilitazioan diren Arabako Jokalarien Elkartea (ASAJER) hainbat helburu ditu. Horien artean ausazko jokoekin arazoaren bat duten pertsonei, jokalariari nahiz bere inguruneari, laguntzearena. Urte asko daramatzagu lanean, eta jokoaren arazoa bertaratzen diren pertsona guztiek partekatzen duten arazoa bada ere, bakoitzak baditu bere bizipenak, arazoari aurre egiteko bere modua.

Bide honetan jokoarekiko kontrolarekin lotutako arazoarekin batera beste zailtasun batzuk zituzten pertsonekin batera lan egin ahal izan dugu. Desgaitasunen batekin bertaratzen ziren eta, diren, pertsonez ari gara. Ohikoena buruko gaixotasunaren diagnosia duten pertsonak izan arren (eskizofrenia, nahasmendu bipolarra, nortasun-nahasmendua, etab.), desgaitasun fisiko, zentzumeneko eta intelektuala duten pertsonengan ere jokoaren arazoa hauteman da.

Kasu horietako batzuetan, ausazko jokoa kontrolatzea zailagoa da eta sufrimendu nabaria suposatzen du bizitzen ari den pertsonarentzat nahiz haren ingurukoentzat.

Aurreko guztia kontuan izanik, ASAJER elkarteak material hau aurkezten du, desgaitasuna eta adikziozko nahasmendu bat, esate baterako, ausazko jokoekiko adikzioa, duten pertsonen errealitatea hurbilarazteko. Halaber, zenbait gomendio eta baliabide azalduko dira, hala eragindako
pertsonentzat nola familiarentzat eta egoera hori bizitzen ari diren pertsonekin harremanetan egon daitezkeen profesional ezberdinentzat.

• MATERIALA DESKARGA