10
9
8
7
6
5
4
3
2
1
  • Aurkezpena

    www.onlinezurekin.org webgunearen helburua da ausazko jokoari eta teknologia berriei (Internet, sakelakoak, bideojokoak) buruzko ahalik eta informazio argi eta objektiboena ematea, esparru horietako azken berriak ematea eta baita iritzi publikoa sentsibilizatzea eta kontzientziatzea ere, baliabide horien gehiegizko erabilerak dakartzan arriskuez jabe daitezen.

online zurekin
JOKO ARDURATZEAREN NAZIOARTEKO EGUNA - 2020KO OTSAILAREN 17A

Errehabilitatzen ari diren Jokalarien Arabako Elkarteak (ASAJER) pertsona gazteengan eta kolektibo horrentzat erakargarrientzat jotako jokoengan ipintzen du arreta JOKO ARDURATSUAREN NAZIOARTEKO EGUNEAN: erruleta, kirol-apustuak, pokerra, online jokoa.

2018. urteko datuen arabera, noizbait apustua egin duten18-25 urte bitarteko gazteen kopurua % 12,57 areagotu da aurreko urtearekin alderatuz. 25 urte azpiko pertsonek 333.251 euro xahutu zituzten kirol-apustuetan, 179.877 euro kasinoan, 78.286 euro pokerrean eta 17.759 bingoan.

Online jokoa modu adierazgarrian areagotu da. 2019ko irailean joko-modalitate horrek 68,88 milioi euro mugitu zituen Espainian. Sarean jokatzea erakargarriagoa da zenbait pertsonentzat: etxean jokatzeko aukera ematen du, bakardadean eta inork zu ikusi gabe. Gaur egun telefono mugikorra online jokoan sartzeko ohiko bitarteko bilakatu da. Joko mota horren ezaugarri bat berehalakotasuna da eta eguneko 24 ordutan jokatzeko aukera ematen du urteko 365 egunetan. Online jokoak jokoarekiko portaera gehiago ezkutatzeko aukera ematen du. Horrek arazoa hautematea zaildu egiten du, kontrolerako zailtasunak dituzten pertsonen kasuan.

Pertsona gazteak multzo ahula dira Ludopatia garatzeari dagokionez. Gaur egungo kezketako bat gazteen aisialdian jokoa eta apustuak normalizatu egiten direla da, eta baita horietara erraz irits daitekeela ere.

Jokabide arriskutsuak dituzten gazteengan, ausazko jokoei dagokienez, hainbat ezaugarri ikusten dira, esate baterako, asperdurarako tolerantzia baxua, etsipenarekiko tolerantzia baxua, bulkadarako joera handia, motibaziorik eza nabaria, zor garrantzitsuak, etab.

Ausazko jokoa erakusten denean arrakastari, irabaziari, milioidun izateko ilusioari edota amets liluragarriak lortzeko aukerari (bidaiak, etxeak, autoak, luxuak, etab.) begiratzen dion irudia berresten da. Galerak ez dira aipatzen.

“APUSTUA EGIN AURRETIK… GALDU DEZAKEZUN GUZTIA PENTSATU: DIRUA, DENBORA, AUTOESTIMUA, LAGUNAK, FAMILIA”, hori da Joko Arduratsuari buruzko Nazioarteko Eguna dela eta Errehabilitatzen ari diren Jokalarien Arabako Elkarteak (ASAJER) luzatzen duen kanpainako leloa.

Mezu horren xedea da pertsona gazteek jokoaren portaera bulkadatsu eta konpultsibo batek izan ditzakeen ondorioen gainean gogoeta egin dezatela da, gal dezaketen hartan gehiago pentsa dezaten eta ez horrenbeste “irabaz dezaketen” hartan, mezu hori ilusiozkoa izaten baita, eta errealitatetik urrun dagoena.

 
ZK.39 JOKUZ KANPO ALDIZKARIA (Ausazko jokoen legeria Debekatu? Arautu?) PDF fitxategia Inprimatu

ZK.39 JOKUZ KANPO ALDIZKARIA. Azaroa 2019.

Ausazko jokoen legeria Debekatu? Arautu?

AURKIBIDEA

Aurkezpena: “Ausazko jokoen legeria. Debekatu? Arautu?”. Ana Herrezuelo (ASAJEReko Psikologa).

Ipuina: Utziozu. (Irati Cledú Axpe)

Iritziak:

Herritarra erantzuten:

ZK.39 ALDIZKARIA DESKARGA

 

 
ZK.38 JOKUZ KANPO ALDIZKARIA - (Kodependentzia eta ludopatia) PDF fitxategia Inprimatu

ZK.38 JOKUZ KANPO ALDIZKARIA. Urria 2019.

Kodependentzia eta ludopatia

Aurkibidea

Aurkezpena: "Kodependentzia eta ludopatia”. Ana Herrezuelo ASAJEReko Psikologa.

Artikulua: Mendekotasun emozionala eta kodependentzia. Idoia Axpe ASAJEReko Psikologa.

Lekukotza: Nire bizitza zure mende dago.

Gomendioa: Gomendatutako liburua eta Gomendatutako filma.

ZK.38 ALDIZKARIA DESKARGA

 

 
ASAJER JAURDINALDIA ABENDUAK 13 - Etorkizuneko erronkak PDF fitxategia Inprimatu

AUSAZKO JOKOEN ETA HORIEKIN LOTUTAKO ARAZOEN BILAKAERA. ETORKIZUNEKO ERRONKAK”.

2019ko abenduaren 13 an Europa Biltzar Jauregia (Vitoria-Gasteiz)

JAURDUNALDIA

“Evolución de los juegos de azar y su problemática. Retos de futuro”.
"Ausazko jokoen eta horiekin lotutako arazoen bilakaera. Etorkizuneko erronkak".

2019ko abenduaren 13 an Europa Biltzar Jauregia (Vitoria-Gasteiz)

  • 8:15-8:30 Partaideen ongietorria.
  • 8:30-9:00 Jaurdunaldiaren inaugurazioa.
    - D.Emilio Sola Ballojera (Gizarte Politiken Diputatu forala. Arabako Aldundi forala)
    - Dña. Livia Claudia López Gutiérrez (Kirol eta Osasun sailaren delegatua. Gasteizko Udala)
    - Errehabilitazioan Diren Arabako Jokalarien Elkartea (ASAJER)
  • 9:00-10:00 Elkarrizketa: “Ausazko jokoen eta horiekin lotutako arazoen bilakaera”.
    - Natxo Gatón. Kazetaria. “Gasteizhoy”.
    - ASAJER.
  • 10:00-11:30 Mahai borobila: Gaur egun arte izandako ausazko jokoen eta horiekin lotutako arazoen bilakaera sail desberdinetan.
    - D. Aitor Uriarte. Euskal Jaurlaritzako jolas eta espektakuluen zuzendaria
    - Dña. Irati Sierra eta D. Héctor García de Salazar, “Gazteak eta Ausiazko Jolasak” informearen ko-autoreak (Gasteizko Udal Gazte Planaren ikustegia, 2019)
    - D. José Motoso. Berritzegune Nagusiaren Hezkuntza Sailaren asesorea.
    - D. Gotzon Mínguez. Amurrioko Udalaren Adikzio sailaren teknikoa. - Interbentzio Soziala
  • 11:30-12:00 Atsedena
  • 12:00-13:00 Lan taldeak. Etorkizuneko erronkak
  • 13:00-14:00 Ondorioak
  • 14:00-14:30 Itxiera

____________________________________________________________________________

DOAKO IZEN-EMATEA (Abenduak 12 baino lehen).
NON ETA NOLA IZEN EMAN (eman izena, talde/lana, telefonoa, posta elektronikoa):

  • Posta elektronikoz: Helbide elektroniko honek spam bot-en kontrako babesa du. Ikusteko Javascript-a aktibatu behar duzu
  • Telefonoz: 945140468 (ASAJER).

Informazioa: 945140468 (ASAJER)

 

 

 
JOKO ARDURATZEAREN NAZIOARTEKO EGUNA - 2019KO OTSAILAREN 17A PDF fitxategia Inprimatu

ASAJER elkarteak pertsona gazteei eta kirol-apustuei emango die arreta Joko Arduratsuari buruzko Nazioarteko Egunean.

Gaur egun, kirol-apustuak kezka eragiten ari dira gizartean, batez ere, nerabeekin eta gazteekin lotuta.

Kirol-apustuak aurrez aurre egin daitezke, joko-establezimendu batean (tabernak, joko-aretoak, apustu-etxeak), edo, bestela, linean (Interneten bidez).

Mendearen hasieran Estatu Batuetan eta Kanadan ezarri zituzten lineako kirol-apustuetako lehen enpresak, eta mundu osotik hedatu ziren.

Internet agertu eta gure eguneroko bizitzan txertatu zenetik, lineako jokoa asko hazi da. Sarean jokatzea askoz erakargarriagoa da hainbat pertsonarentzat, etxean, bakarrik eta inork ikusi gabe jokatzeko aukera ematen duelako. Gaur egun, telefono mugikorra bihurtu da lineako jokoetara sartzeko modurik ohikoena, berehala sartzeko aukera ematen duelako eta urteko 365 egunetako 24 orduetan erabil daitekeelako. Bestalde, errazagoa da joko-jokabidea ezkutatzea, eta horrek jokabidea antzematea zailtzen du.

KIROL-APUSTUAK EUSKADIN

Euskal Autonomia Erkidegoan, 2008an agertu ziren apustu-etxeak, eta apustuak egiteko makinak instalatu ziren ostalaritza-lokaletan eta joko-establezimenduetan. Apustu-etxeen eraginez, joko-erregelamendu berria egin zen Euskadin.

Eusko Jaurlaritzako Osasun Sailak egiten duen EUSKADIKO MENDEKOTASUNEI BURUZKO INKESTAREN (2017) arabera, euskaldunen % 7,3k egiten dituzte kirol-apustuak. Gazteak dira joko horren zale nagusiak, eta beren artean % 6 hazi da jardun hori. Kezkagarria da gazteen –15 eta 34 urte bitartekoen– arteko nagusitasun hori, joko-modalitate hura gehien erabiltzen dutenak baitira.

ASAJER elkarteak jokabide-mendekotasunen arloan lan egiten du, eta, antzeman duenez, gutxi gorabehera 2017an artatu zituen pertsonen % 20-25ek arazoak dituzte kirol-apustuekin.

«Ez erre apustuekin» lelopean, ASAJER elkarteak kanpaina bat abian jarriko du, zeinaren bitartez, gazteak sentsibilizatu nahi dituen kirol-apustuetan kontrolik gabe aritzeak ekar ditzakeen arriskuen inguruan. Besteak beste, kanpaina galera ekonomikoen arriskuan ardaztuko da; izan ere, autonomia pertsonala lortze aldera, alderdi hori oso garrantzitsua da gazteen artean. Bestalde, «jokatuz dirua lortuko dut bidaiatzeko, nahi ditudan gauzak erosi ahalko ditut, aberatsa egingo nahiz...» ideiekin amesteak mugan bizitzea, nork bere burua engainatzea eta errealitatetik at egotea dakar.

ARGIBIDE GEHIAGO NAHI IZANEZ GERO: 945 140 468 / 945 234 990

 
<< Hasiera < Aurrekoa 1 2 3 4 5 6 7 8 9 10 Hurrengoa > Amaiera >>

JPAGE_CURRENT_OF_TOTAL